Թումանյանական օրեր – Անուշ Աթայան

Այսօր մենք դասարանով գնացել էինք Հովհաննես Թումանյանի տուն թանգարան: Տուն թանգարանում ինձ շատ դուր եկավ ու շատ զարմացա, երբ տեսա ապակու հետևում նստած Հովհաննես Թումանյանին, որը թերթ էր կարդում, քայլում էր իր սենյակում, լսում էինք նրա ոտնաձայները: Այնտեղ ես տեսա Հովհաննես Թումանյանի գրասենյակը, այնտեղ շատ-շատ կենդանիների արձաններ կային : Ես տեսա երեխաների սենյակները, մեր շատ սիրելի Շունն ու կատվի թատերական բեմը : Մենք արտասանեցինք և մեր առաջ բացվեց մի գեղեցիկ տեսարան, որտեղ իսկական գետակ էր հոսում: Ես նաև շատ հավանեցի գրադարանը, որի մասին մեզ աշխատակիցը պատմեց Թումանյանը ասել է, սա ձեզ համար թանգարան չէ: Ես շատ-շատ տխրեցի, որ ավելի երկար չմնացինք տուն թանգարանում, բայց ես գնեցի իր որդու նկարները:

Սոնա Սարգսյան

Այսօր մենք դասարանով գնացել էինք Հովհաննես Թումանյանի տուն-թանգարան: Այնտեղ մենք տեսանք Հովհաննես Թումանանի իրերը և ինձ շատ-շատ դուր եկավ: Ինձ շատ հետաքրքրեց, նրանք մի քիչ գեղեցիկ էին: Հովհաննես Թումանանը ունեցել է 10 երեխա: Այնտեղ կային նրա հոր և մոր նկարները: Իմ կարծիքով նրա մայրիկը և հայրիկը շատ-շատ տարիներ են ապրել, նաև երևի Հովհաննես Թումանանը: Նա գրել է շատ-շատ հեքիաթներ,պատմվածքներ, բանաստեղծություններ: Նրան կոչում են <<ԱՄԵՆԱՅՆ ՀԱՅՈՑ ԲԱՆԱՍՏԵՂԾ>>:

Մհեր Կիրակոսյան

Մենք մեր դասարանով նստել էինք ավտոբուս ու գնացել էինք տուն-թանգարան: Մեզ շատ-շատ հետաքրքիր բաներ ցույց տվեցին` Հովհաննես Թումանյանի մահճակալը, սեղանը, իր Թիֆլիսի տունը, իր երեխաների նկարները, իր գրասեղանը, որտեղ նա իր հեքիաթներն էր հորինում: Ինձ ամենաշատը դուր եկավ իր կենդանիների հավաքածուն:

Հասմիկ Սարգսյան

Այսօր մենք գնացել էինք Հովհաննես Թումանյանի տուն_թանգարան:Ներս մտնելով տեսանք նրա մեծ նկարը,որը ասես իրական լիներ: Այնտեղ մեծ պահարաններ կային,որտեղ Թումանյանի գրած գրքերն էին: Մենք տեսանք նրա գյուղը,որտեղ ծնվել է,նրա հայրական տունը,որի դիմաց եկեղեցի կար: Թումանյանը ծնվել է 1869 թվականի փետրվարի 19, նա ունեցել է 10 երեխա` 4 տղա 5 աղջիկ: Մեզ ցույց տվեցին Թումանյանի գրադարանը, որը հսկայական էր, այնտեղ շատ գրքեր կային: Պլանշետով տեսանք Սասունցի Դավիթին, նա ասես իրական ելավ’ թրով էր ու Քուռկիկ Ջալալին էր թամբած: Տեսա Թումանյանին, նա հրեշտակի նման էր’ քայլում էր ու թերթ էր կարդում, լսում էինք նրա ոտնաձայնները,իսկ Թիֆլիսի տան մուտ նա բարևում էր անցորդներին: Տեսանք նրա շորերը,թանաքամանը,փետուրով գրիչը,խոշորացույցը, ակնոցը: Թումանյանի աշխատասենյակում տեսանք արձաններ, որոնք շատ-շատ էին: Իմ համար շատ հետաքրքիր էր,ինձ դուր եկավ նրա մեծ գրադարանը: Ես կուզենայի ունենալ նման մեծ գրադարան և կարդալ Թումանյանի բոլոր գրքերը:

Գևորգ Հարությունյան

Մենք այսօր գնացինք Հովհաննես Թումանյանի թանգարանը: Այնտեղ մեզ հետ հսկիչներ կային: Ես շատ բան իմացա Հովհաննես Թումանյանի մասին: Ես իմացա որ Հովհաննես Թումանանի ծննդավայրը գտնվում է Դսեղ գուղում: Հովհաննես Թումանյանը ծնվել է 1869թ. իմացա Հովհաննես Թ. ունի 10 երեխաներ, 6 աղջիկներ 4 տղաներ: Նաև ես գիտեի, որ նրա կնոջ անունը Օլգա էր: Մենք նաև արտասանեցինք և այնտեղ վարագույրները բացվեցին մենք տեսանք մի տեսարան Հովհաննես Թումանանի գյուղը, շատ շատ գեղեցիկ գյուղ էր: Այդ գյուղից մի մասից մի փոքրիկ ջուր էր գալիս: Նաև այնտեղ մի սարք կար որ պահում ես Սասունցի Դավիթի շրջանի մեջ ասես իրական լինի: Տեսանք Հով. Թ. բոլոր ստեղծագործաց հեքիաթները, բանաստեղծությունները և այլն…

Մերի Փաշիկյան

Այսօր դասարանով գնացել էինք Հովհաննես Թումանյանի տուն -թանգարան: Այնտեղ շատ հետաքրքիր էր: Մենք շրջեցինք սենյակներով, տեսանք նրա իրերը` նկարները, գրիչը, գրամեքենան, թանաքամանը, գրքերը, թերթերը: Ես շատ ուրախ եմ, որ ծանոթացա իմ շատ սիրելի հեղինակի կենցաղին:

Վահե Մակվեցյան

Մենք գնացինք Թումանյանի տուն թանգարան, այնտեղ Հովհաննես Թումանյանին տեսանք,

նրա գրադարանը տեսանք և նա տասը երեխաներ ուներ: Նա դիմում էր նրանց ոչ թե անուններով

այլ այսպես` առաջին երեխա արի, նա այդպես էր խոսում իր երեխաների հետ:

Յանա Գրիգորյան

Այսօր մենք դասարանով գնացել էինք Հովհաննես Թումանյանի տուն թագարանը:Ես այնտեղ տեսա նրա իրերից և ինձ դուր եկավ ճոճաթոռը:Շատ հետաքրքիր էր Սասուցի Դավիթի մասին պատմող տեսանյութը: Հետաքրքիր ճամփորդություն էր:

Հովհաննես Կարապետյան